Инсайдер Фабрицио Романо "Арсенал"нинг "Астон Вилла" ҳужумчиси Олли Уоткинсга қизиқиши ҳақида хабар тарқатди. Эслатиб ўтамиз, англиялик футболчи Микель Артета жамоаси учун асосий номзод саналмоқда.
"Арсенал" ҳали Уоткинс бўйича музокараларда муваффақиятга эришгани йўқ, бошқа клублар ҳақида ҳам шундай дейиш мумкин. Олли ҳозир бор эътиборини "Астон Вилла"га қаратган. Ишончим комилки, Уоткинс кейинги қадамни ташлаб, кучли олтиталикдаги жамоага қўшилади" - деди Романо ўзининг подкастида.
Эслатиб ўтамиз, жорий мавсумда Уоткинс Англия Премьер-лигасида 14 та гол урди ва 6 та голли узатмани амалга оширди.
