Пол Скоулз Давид Де Хеани оёқда ёмон ҳаракати қилиши ва ўйинни ёмон ўқиши учун танқид қилди.
“МЮ” сафарда Европа лигасининг чорак финал жавоб ўйинида “Севилья”дан мағлуб бўлди (0:3) ва турнирдан чиқиб кетди.
Испаниялик дарвозабон биринчи голда прессинг остида қолган Харри Магуайрга узатма берди ва рақибнинг учинчи голда эса дарвозабоннинг ўзи хатога йўл қўйди.
"Бундай учрашувлардан кейин дарвозабоннинг ўйини шубҳа уйғотмоқда. Тен Хаг ўз дарвозаси олдида тўп билан ўйнамоқчи.
Де Хеа ажойиб дарвозабон, лекин у ажойиб футболчи эмас. Биз унинг Магуайрга берган узатмасини кўрдик. Қаранг, узатма ёмон бўлмади ва Гарри тўпни хоҳлаётганини биламан, лекин сиз майдонда нималар бўлаётганини ўқиб чиқишингиз керак ва ўша дақиқада пас бермаслигингиз керак эди.
Гарри ўша пасни олмоқчи эди, лекин унга тўп нима учун кераклигини билмайман. Олдин ҳам айтганман, жаҳон футболида биргина марказий ҳимоячи орқаси билан яхши ўйнайди, ўйин давом этиши учун тўпни олади.
Мураббий қандай ўйнамоқчи бўлишидан қатъий назар, сиз майдондаги вазиятни ўқиб чиқишингиз, нима бўлаётганини кўришингиз керак. "Манчестер Сити"да Пеп Гвардиола, эҳтимол, "Олдинга тепиб юбори", деган бўларди.
"Манчестер Юнайтед" футболчилари ўз дарвозаси олдида тўп билан ҳаракат қилиб, тузоққа тушиб қолишди, "Севилья" агрессив тарзда тўпга ёпишди.
Менимча, Де Хеа бутун жамоани асабийлаштирди! Савол шундаки, у Эрик тен Хаг фалсафасига мос келадими?" - деди "Манчестер Юнайтед"нинг собиқ ярим ҳимоячиси.
