Испания чемпионатининг 30-тури доирасида Мадриднинг “Реал” клуби ўз майдонида “Сельта”ни қабул қилди ва 2:0 ҳисобидаги ғалабани тантана қилди. Бу муваффақият ҳужумчи Карим Бензема учун “қаймоқранглилар” футболкасидаги 437-си бўлди.
Бу кўрсаткич бўйича 35 ёшли тўпурар ҳозирда Франциянинг "ПСЖ" жамоасида тўп сураётган ҳимоячи Серхио Рамосга етиб олди. "Реал Мадрид" сафида ўйинлардан энг кўп ғалаба қозониш бўйича дарвозабон Икер Касильяс етакчилик қилмоқда. У "қироллик" клубида 463 та ғалабага эришган.
Бензема 2009 йилнинг ёзидан буён "Мадрид"да ўйнаб келмоқда. Каримнинг жамоа билан шартномаси мавсум охиригача ҳисобланган.
