"Барселона" бош мураббийи Хави Эрнандес дарвозабон Марк-Андре тер Штегеннинг характери ҳақида гапирди. Эслатиб ўтамиз, "кўк-анорранглилар" мураббийи "Барселона"даги сўнгги мавсумида немис билан бир жамоада ўйнашга муваффақ бўлганди.
“Мен Тер Штегеннинг характерини биламан, чунки мен у билан бир жамоада ўйнаганман. У жуда методик инсон ва ҳозирда мен уни сайёрамизнинг энг яхши дарвозабони деб атаган бўлардим”, деди Хави матбуот анжуманида.
Тер Штеген айни дамда Ла Лиганинг энг яхши дарвозабони бўлиб турибди. “Барселона” Испания чемпионатининг 30 турида атиги 9 та гол ўтказиб юборди.
