"Барселона" собиқ футболчиси Ривалдо яқин вақтлар ичида собиқ жамоаси чемпионликни қўлга киритиши ҳақида гапирди.
"Барселона" сўнгги совринини қўлга киритганидан тўрт йил ўтиб, яна чемпионликка яқин турибди. Жамоани барқарорлиги учун мақтаса бўлади, улар сабабли "Реал" бошқа турнирларга эътибор қаратмоқда. Испания чемпиони бўлиши учун мақтовдан-да юқорироқ гаплар керак. Мавсум давомида фақатгина барқарор ўйин ва натижалар сабабли муваффақиятга эришиш мумкин. Албатта, "Реал" қайсидир вазиятда бўшашишини билардик. Бироқ бу уларнинг чемпионликни истамаяпти дегани эмасди. Улар ҳам кучли жамоа, доимий рақобатда бўлишди. Анчелотти жамоаси бир йўла 3 совринга даъвогарлик қилиши қийин эди, шу боис улар Испания Кубоги ва ЕЧЛга эътибор қаратишди. Табиийки, "Реал" ҳам мавсум бошида Ла Лига совринини истаганди. Бироқ "Барселона" бу мавсум қанчалик кучли бўлса, шунчалик тез олдинлаб кетди", - деди Ривалдо.
