Италия чемпионатининг жорий мавсумида Чемпионлар лигаси йўлланмаси учун кураш олиб бораётган «Милан» ва «Лацио» клублари ўзаро "Сан-Сиро" стадионида тўқнаш келишди.

Майдон эгалари дастлабки ярим соат ичида рақиб дарвозасига 2 марта йўл топишди. 17-дақиқада Беннасер ҳисобни очган бўлса, 29-дақиқада Тео Эрнандес фарқни иккитага оширди.

Баҳснинг қолган дақиқаларида ҳисоб ўзгармади ва "Милан" муҳим ғалабани қўлга киритди. Ушбу ғалаба туфайли "россонери" ўз очколарини 61 тага етказган ҳолда жадвалда 4-поғонага кўтарилиб олди. "Лацио" эса 64 очко билан 2-ўринда қолди.

Италия А серияси, 34-тур
Милан – Лацио 2:0 (2:0, 0:0)
Голлар: 1:0 – 17 Беннасер, 2:0 – 29 Эрнандес.
Милан – Меньян, Калабрия (Калулу, 46), Кьер (Тиав, 46), Томори, Эрнандес (Балло-Туре, 80), Крунич, Беннасер, Тонали, Рафаэл Леау (Салемакерс, 11), Жуниор Мессиас, Жиру (Ребич, 69).
Лацио – Проведель, Марушич (Ладзари, 56), Романьоли, Казале, Хюсай (Пеллегрини, 68), Луис Альберто, Милинкович-Савич (Башич, 68), Маркос Антонио, Фелипе Андерсон, Дзакканьи (Педро, 56), Иммобиле (Канчельери, 81).
Огоҳлантиришлар: Романьоли (20), Марушич (24), Калабрия (42), Казале (60), Пеллегрини (88), Тиав (89).