Italiya chempionatining joriy mavsumida Chempionlar ligasi yo‘llanmasi uchun kurash olib borayotgan «Milan» va «Lasio» klublari o‘zaro "San-Siro" stadionida to‘qnash kelishdi.

Maydon egalari dastlabki yarim soat ichida raqib darvozasiga 2 marta yo‘l topishdi. 17-daqiqada Bennaser hisobni ochgan bo‘lsa, 29-daqiqada Teo Ernandes farqni ikkitaga oshirdi.

Bahsning qolgan daqiqalarida hisob o‘zgarmadi va "Milan" muhim g‘alabani qo‘lga kiritdi. Ushbu g‘alaba tufayli "rossoneri" o‘z ochkolarini 61 taga yetkazgan holda jadvalda 4-pog‘onaga ko‘tarilib oldi. "Lasio" esa 64 ochko bilan 2-o‘rinda qoldi.

Italiya A seriyasi, 34-tur
Milan – Lasio 2:0 (2:0, 0:0)
Gollar: 1:0 – 17 Bennaser, 2:0 – 29 Ernandes.
Milan – Menyan, Kalabriya (Kalulu, 46), Kyer (Tiav, 46), Tomori, Ernandes (Ballo-Ture, 80), Krunich, Bennaser, Tonali, Rafael Leau (Salemakers, 11), Junior Messias, Jiru (Rebich, 69).
Lasio – Provedel, Marushich (Ladzari, 56), Romanyoli, Kazale, Xyusay (Pellegrini, 68), Luis Alberto, Milinkovich-Savich (Bashich, 68), Markos Antonio, Felipe Anderson, Dzakkani (Pedro, 56), Immobile (Kanchelyeri, 81).
Ogohlantirishlar: Romanyoli (20), Marushich (24), Kalabriya (42), Kazale (60), Pellegrini (88), Tiav (89).