Генрих Мхитарян “Милан” устидан қозонилган ғалаба ҳақида гапирди.
“Интер” Чемпионлар лигаси ярим финалининг биринчи ўйинида 2:0 ҳисобида ғалаба қозонди. Мхитарян иккинчи голни урди ва учрашувнинг энг яхши футболчиси деб топилди.
“Биринчи дақиқалардан бизда ғалаба қозониш истаги бор эди. Биз буни биринчи бўлимда кўрсатдик, иккинчи бўлимда буни уддаладик ва ғалаба қозондик.
Ғалабада ажойиб ишни амалга оширган жамоадошларимнинг ҳурмати катта, аммо бу ҳали тугамади. Иккинчи ўйинда бизни ажойиб жанг кутмоқда.
Кўпроқ гол уриш яхши бўларди, бизда бунинг учун имкониятлар бўлди, лекин афсуски, иккита билан кифояланишимизга тўғри келди. Кейинги ўйинда кўпроқ гол уришга умид қиламиз.
Биз аллақачон финалдамиз, деб ўйламоқчи эмасман, бор эътиборимизни кейинги ўйинга қаратмоқчимиз. Ғалаба нафақат меники, балки шерикларимнинг хизматларидир" - деди "Интер" ярим ҳимоячиси TV8 телеканалида.
