Эдин Терзич дортмундликларнинг Бундеслигада «Гладбах» устидан қозонган ғалабасини (5:2) юқори баҳолади.
«Натижадан, айниқса биринчи бўлимдаги ўйиндан мамнунмиз. Биз ўйлаган кўп нарса дастлабки 30 дақиқада иш берди.
Биз ажойиб услубларни синовдан ўтказдик, ажойиб вазиятлар яратдик ва гол урдик.
Лекин ҳар доим ҳам майдон марказини тўсишга улгурмадик, танаффусда эътибор шунга қаратилди. Биз ўйинни «қуруқ» якунлаб, баҳсни охиригача назорат қилмоқчи эдик, аммо бу амалга ошмади.
Давом этайлик, иккита ўйин қолди. Кейингиси қийин бўлади - «Аугсбург», - деди «Боруссия Дортмунд» бош мураббийи.
