Англия терма жамоаси ярим ҳимоячиси, Дортмунднинг «Боруссия»сида тўп тепаётган Жуд Беллингем Испания чемпионатига ўтишга яқин турибди.
Ижтимоий тармоқлар инсайдери Фабрицио Романонинг ёзишича, футболчининг янги жойи «Реал Мадрид» бўлади.
Клублар ўртасидаги музокара жараёни илғор босқичга келган. Беллингемнинг ўзи билан «Реал Мадрид» шахсий шартнома шартларини келишиб олди.
Яқин орада «Реал Мадрид» «Боруссия» билан музокараларнинг якуний босқичини ўтказади.
Жуднинг трансфер нархи 120 миллион евро. Футболчи ва «Боруссия» ўртасидаги шартнома муддати 2025 йилнинг ёзига қадар ҳисобланган.
