Бир пайтлар "Милан"ни бошқарган италиялик собиқ ҳужумчи Винченцо Монтелла миланликлар "Интер"ни мағлуб эта олишига ишончи комил эмас, бироқ сюрприз бўлиши мумкинлигини бутунлай инкор этмайди.
Монтелланинг фикрича, "Интер" устунликка эга, аммо барибир уларни тўғри бошқариш керак.
"Бу Чемпионлар лигасининг ярим финали, бу ҳар доим қийин ўйин, аммо уларда кутилмаган ҳодисалар бўлиши мумкин. "Интер"нинг устунлиги бор, лекин бу устунлик йўққа чиқиши мумкин" - деди Монтелла.
"Милан" ва "Интер" ўртасидаги Чемпионлар лигаси ярим финал учрашуви бугун Тошкент вақти билан соат 23:59да бошланади.
