Аргентинада бошланган U-20 жаҳон чемпионатининг илк ўйинини мезбонларга қарши бошлаган вакилларимиз Ўзбекистон миллий жамоаси 1:2 ҳисобида имкониятни бой берди.
Учрашувда ҳисобни дастлаб биз очдик. Маҳмуд Муҳаммаджонов дарвозабоннинг яқин бурчагига аниқ зарба йўллаб, гол урди. Аммо орадан 3 дақиқа ўтиб, мезбонлар вакили Алехо Велис қанотдан узатилган тўпни боши билан дарвозага тўғирлаб қўйди. Тайм якунида 41-дақиқада Валентин Карбони рақибларимизнинг 2-голини киритди. Умуман олганда иккала голда ҳам дарвозабонимиз Отабек Боймуродов хатога йўл қўйди десак муболаға бўлмайди. Бу хатолар якунда дастлабки турдаги мағлубиятга сабаб бўлди.
Гуруҳимизнинг яна бир ўйинида Янги Зеландия Гватемала устидан 1:0 ҳисобида ғалаба қозонди.
