Argentinada boshlangan U-20 jahon chempionatining ilk o‘yinini mezbonlarga qarshi boshlagan vakillarimiz O‘zbekiston milliy jamoasi 1:2 hisobida imkoniyatni boy berdi.
Uchrashuvda hisobni dastlab biz ochdik. Mahmud Muhammadjonov darvozabonning yaqin burchagiga aniq zarba yo‘llab, gol urdi. Ammo oradan 3 daqiqa o‘tib, mezbonlar vakili Alexo Velis qanotdan uzatilgan to‘pni boshi bilan darvozaga to‘g‘irlab qo‘ydi. Taym yakunida 41-daqiqada Valentin Karboni raqiblarimizning 2-golini kiritdi. Umuman olganda ikkala golda ham darvozabonimiz Otabek Boymurodov xatoga yo‘l qo‘ydi desak mubolag‘a bo‘lmaydi. Bu xatolar yakunda dastlabki turdagi mag‘lubiyatga sabab bo‘ldi.
Guruhimizning yana bir o‘yinida Yangi Zelandiya Gvatemala ustidan 1:0 hisobida g‘alaba qozondi.
