"Ювентус" ярим ҳимоячиси Поль Погба жароҳати ҳақида гапирди.
Эслатиб ўтамиз, 30 ёшли ярим ҳимоячи А Сериянинг 35-туридан ўрин олган «Кремонезе»га қарши ўйинда (2:0) навбатдаги жароҳатини олди. Аввалроқ футболчи жорий мавсумда майдонга тушмаслиги ҳақида хабар берилганди.
"Бу мавсум мен учун жуда қийин бўлди. Жароҳатлардан ташқари майдон ташқарисида ҳам кўп муаммоларим бор эди.
Буларнинг барчаси психологияга таъсир қилади. Ўтган йил давомида кўп нарсага эришдим, умид қиламанки, бу менга кучлироқ қайтишимга ёрдам беради", — деб ёзди Погба ижтимоий тармоқдаги саҳифасида.
Футболчи таслим бўлишни режалаштирмаслигини ва тезроқ майдонга қайтиш учун бор кучини ишга солишини қўшимча қилди.
Жорий мавсумда Погба барча мусобақаларда 10 та ўйинда майдонга тушди ва 1 та голли узатмани амалга оширди.
