"Yuventus" yarim himoyachisi Pol Pogba jarohati haqida gapirdi.
Eslatib o‘tamiz, 30 yoshli yarim himoyachi A Seriyaning 35-turidan o‘rin olgan «Kremoneze»ga qarshi o‘yinda (2:0) navbatdagi jarohatini oldi. Avvalroq futbolchi joriy mavsumda maydonga tushmasligi haqida xabar berilgandi.
"Bu mavsum men uchun juda qiyin bo‘ldi. Jarohatlardan tashqari maydon tashqarisida ham ko‘p muammolarim bor edi.
Bularning barchasi psixologiyaga ta’sir qiladi. O‘tgan yil davomida ko‘p narsaga erishdim, umid qilamanki, bu menga kuchliroq qaytishimga yordam beradi", — deb yozdi Pogba ijtimoiy tarmoqdagi sahifasida.
Futbolchi taslim bo‘lishni rejalashtirmasligini va tezroq maydonga qaytish uchun bor kuchini ishga solishini qo‘shimcha qildi.
Joriy mavsumda Pogba barcha musobaqalarda 10 ta o‘yinda maydonga tushdi va 1 ta golli uzatmani amalga oshirdi.
