«Barselona» yozgi transfer oynasida himoyaning chap qanotini kuchaytiradi.

Mundo Deportivo nashri xabariga ko‘ra, «ko‘k-anorranglilar» «Yuventus» a’zosi Andrea Kambyasoga qiziqish bildirmoqda, biroq klub rahbariyati 26 yoshli italiyalik futbolchini ustuvor variant sifatida ko‘rmayapti. Bunga o‘yinchining transfer bahosi juda yuqoriligi — taxminan 50 million yevro ekanligi sabab bo‘lgan.

La Liga grandi uchun birinchi raqamli variant sifatida hamon Joau Kanselu qolmoqda. Kataloniyaliklar uni Saudiya Arabistonining «Al-Hilol» klubidan to‘liq sotib olishni rejalashtirishmoqda. Kanselu yakunlangan mavsumning ikkinchi yarmini «Barsa» safida ijara asosida o‘tkazgan edi. Tarqalgan ko‘plab mish-mishlarga ko‘ra, 32 yoshli portugaliyalik himoyachining o‘zi ham Kataloniyaga ko‘chib o‘tishni istaydi, biroq «Al-Hilol» klubi bilan hozircha yakuniy kelishuvga erishilmagan.