Jahon chempionatida muxlislarga tanilgan Kabo-Verde terma jamoasi darvozaboni Vozinya faoliyatini Chilida davom ettirishi mumkin. Mahalliy «Kolo-Kolo» klubi prezident Anibal Mosaning topshirig‘iga ko‘ra 40 yoshli posbon bilan muzokaralarni boshladi. Bu haqda jurnalist Sesar Luis Merlo X ijtimoiy tarmog‘ida xabar berdi.

Manba bergan ma’lumotlarga ko‘ra, «Kolo-Kolo» bosh murabbiyi Fernando Ortis Vozinyani jamoasiga olib kelishni shaxsan so‘ramagan, ammo muzokaralar davom ettirilishiga va o‘yinchining tarkibda paydo bo‘lishi ehtimoliga qarshi emas.

Vozinya JCH-2026 da to‘rtta o‘yinda maydonga tushib, ulardan ikkitasida o‘z darvozasi daxlsizligini saqlab qoldi. Uning Portugaliya ikkinchi divizionida ishtirok etuvchi «Shavish» klubi bilan shartnomasi shu yozda o‘z nihoyasiga yetdi. Kabo-Verde terma jamoasi o‘z tarixida ilk bor Jahon chempionatining final bosqichida ishtirok etdi va 1/16 finalda Argentinaga (2:3) imkoniyatni boy berib, musobaqadagi ishtirokini yakunladi.