«Manchester Siti» «Nottingem Forest» yarim himoyachisi Elliot Andersonning transferini rasman tasdiqladi. 23 yoshli futbolchi klub bilan 2031 yilgacha mo‘ljallangan shartnoma imzoladi.

Anderson «Nyukasl» tarbiyalanuvchisi hisoblanadi, 2024 yilning yozida esa «Nottingem Forest»ga o‘tib, qisqa vaqt ichida jamoa yetakchilaridan biriga aylandi. «Siti Graund»dagi ikki mavsum davomida xavbek o‘zini ingliz futbolining eng istiqbolli markaziy yarim himoyachilaridan biri sifatida ko‘rsatdi va milliy terma jamoadan joy oldi. O‘tgan mavsumda Anderson 50 ta o‘yinda maydonga tushib, 4 ta gol urdi va 5 ta golli uzatmani amalga oshirdi.

«Siti» — dunyoning eng yirik klublaridan biri, jamoa tarkibi esa juda kuchli. Klubning menga qiziqayotganini eshitishim bilan, ushbu transfer amalga oshishini xohladim. Har bir futbolchi eng yuqori darajada to‘p surishni orzu qiladi va bu yerda menda shunday imkoniyat bo‘ladi», — dedi Anderson.

Transfermarkt portali ma’lumotlariga ko‘ra, transfer summasi 135 million yevroni tashkil etdi.