O‘tgan yozda «Barselona» Markus Reshfordni «Manchester Yunayted»dan ijaraga olgan edi.

Kataloniyaliklarda futbolchini 30 million yevroga sotib olish huquqi mavjud. Biroq «ko‘k-anorranglilar» buncha mablag‘ to‘lashni istamayapti va summani kamaytirish maqsadida «qizil iblislar»ga muzokaralar o‘tkazishni taklif qilmoqda.

OAV ma’lumotlariga ko‘ra, Reshfordni boshqa jamoalar ham o‘z tomoniga og‘dirib olishga harakat qilgan. Xususan, «Arsenal», «Nyukasl Yunayted» va «Tottenxem Xotspur» futbolchiga takliflar bilan chiqqan. Ammo hujumchi ushbu takliflarni rad etgan.

Futbolchining o‘zi faqat «Barselona»da o‘ynashni xohlamoqda. Qayd etilishicha, «Manchester Yunayted» kataloniyaliklar bilan yangi sotib olish summasini muhokama qilishga tayyor.