Ўтган ёзда «Барселона» Маркус Рэшфордни «Манчестер Юнайтед»дан ижарага олган эди.

Каталонияликларда футболчини 30 миллион еврога сотиб олиш ҳуқуқи мавжуд. Бироқ «кўк-анорранглилар» бунча маблағ тўлашни истамаяпти ва суммани камайтириш мақсадида «қизил иблислар»га музокаралар ўтказишни таклиф қилмоқда.

ОАВ маълумотларига кўра, Рэшфордни бошқа жамоалар ҳам ўз томонига оғдириб олишга ҳаракат қилган. Хусусан, «Арсенал», «Ньюкасл Юнайтед» ва «Тоттенхэм Хотспур» футболчига таклифлар билан чиққан. Аммо ҳужумчи ушбу таклифларни рад этган.

Футболчининг ўзи фақат «Барселона»да ўйнашни хоҳламоқда. Қайд этилишича, «Манчестер Юнайтед» каталонияликлар билан янги сотиб олиш суммасини муҳокама қилишга тайёр.