"Barselona" "Manchester Siti" himoyachisi Yoshko Gvardiol atrofidagi vaziyatni diqqat bilan kuzatishda davom etmoqda. Bu haqda Mundo Deportivo xabar berdi.

Avvalroq Kataloniya klubi xorvatiyalik futbolchini transfer qilish imkoniyatini ko‘rib chiqqan, ammo o‘sha paytda Gvardiol "Siti"ni tark etish niyatida emas edi. Endi esa vaziyat o‘zgarishi mumkin. "Shaharliklar" Angliya Premyer-ligasida jiddiy moliyaviy qoidabuzarliklarda aybdor deb topilgan va klubga ochkolarni olib tashlash yoki hatto musobaqadan chetlatishgacha bo‘lgan jazolar tahdid qilmoqda.

Gvardiol "Manchester Siti" safida 2023 yil avgustidan beri to‘p surib kelmoqda. U jamoaga Germaniyaning "RB Leypsig" klubidan kelib qo‘shilgan. 2026 yil iyulida himoyachi "shaharliklar" bilan shartnomasini uzaytirgan va yangi kelishuv 2031 yil yoziga qadar amal qiladi.

Joriy mavsumda 24 yoshli Gvardiol "Manchester Siti" safida 7 ta o‘yin o‘tkazib, 1 ta gol urdi va 2 ta golli uzatmani amalga oshirdi. Transfermarkt portali xorvatiyalik futbolchini 70 million yevroga baholamoqda.