"Барселона" "Манчестер Сити" ҳимоячиси Йошко Гвардиол атрофидаги вазиятни диққат билан кузатишда давом этмоқда. Бу ҳақда Mundo Deportivo хабар берди.
Аввалроқ Каталония клуби хорватиялик футболчини трансфер қилиш имкониятини кўриб чиққан, аммо ўша пайтда Гвардиол "Сити"ни тарк этиш ниятида эмас эди. Энди эса вазият ўзгариши мумкин. "Шаҳарликлар" Англия Премьер-лигасида жиддий молиявий қоидабузарликларда айбдор деб топилган ва клубга очколарни олиб ташлаш ёки ҳатто мусобақадан четлатишгача бўлган жазолар таҳдид қилмоқда.
Гвардиол "Манчестер Сити" сафида 2023 йил августидан бери тўп суриб келмоқда. У жамоага Германиянинг "РБ Лейпциг" клубидан келиб қўшилган. 2026 йил июлида ҳимоячи "шаҳарликлар" билан шартномасини узайтирган ва янги келишув 2031 йил ёзига қадар амал қилади.
Жорий мавсумда 24 ёшли Гвардиол "Манчестер Сити" сафида 7 та ўйин ўтказиб, 1 та гол урди ва 2 та голли узатмани амалга оширди. Transfermarkt портали хорватиялик футболчини 70 миллион еврога баҳоламоқда.
