Germaniyaning «Xoffenxaym» klubida to‘p surayotgan Kot-d'Ivuarlik vinger Bazuman Ture faoliyatini tumanli Albionda davom ettirishi mumkin.

Africafoot jurnalistlarining bergan ma’lumotlariga ko‘ra, «Manchester Yunayted» klubi 20 yoshli hujumkor yarim himoyachi bilan shartnoma imzolashga qiziqish bildirmoqda. Afrikalik futbolchining bozor qiymati 40 million yevroni tashkil etadi, uning amaldagi mehnat shartnomasi esa 2029 yilning yoziga qadar mo‘ljallangan.

Avvalroq matbuotda «Liverpul» klubi ham Bazumanga qiziqayotgani haqida xabarlar tarqalgan edi. Yakunlangan mavsumda Ture «Xoffenxaym» safida 32 ta uchrashuvda maydonga tushdi. Vinger o‘z hisobiga 5 ta gol va 12 ta golli uzatmani yozdirib qo‘yishga muvaffaq bo‘ldi.