Саудия Арабистони чемпионатининг 29-туридан ўрин олган учрашувда “Ан-Наср” клуби “Ал-Иттифоқ” билан дуранг ўйнади – 1:1.
Риёдликлар сафида Луис Густаво гол урди. “Ал-Иттифоқ” сафида Юссуф Ниакате жавоб голини киритди. Португалиялик ҳужумчи Криштиану Роналду 84 дақиқани майдонда ўтказди, гол ура олмади ва алмаштирилди.
Параллел кечган баҳсда “Ал-Иттиҳод” жамоаси “Ал-Фейха”ни мағлуб этди – 3:0. Голларга Аҳмад Шараҳили ва дубль қайд этган Ромариньо муаллифлик қилишди.
Шу тариқа, “Ал-Иттиҳод” муддатидан аввал очколари сонини 69тага етказиб, Саудия Арабистони чемпионига айланди. “Ан-Наср” 64 очко билан иккинчи ўринда бормоқда.
