"ПСЖ" ҳужумчиси Лионель Месси мавсум якунида Париж клубини тарк этишини тасдиқлади.
"ПСЖ" шарафини ҳимоя қилиш имконига эга бўлганимдан жуда хурсандман. Мен бу жамоада жуда кўп сифатли ўйинчилар билан ўйнашдан жуда хурсанд бўлдим. Ажойиб тажриба учун клубга раҳмат айтмоқчиман", - дея футболчининг сўзларини келтиради ESPN.
35 ёшли аргентиналик футболчининг парижликлар билан шартномаси мавсум охирида якунига етади. Месси 2021 йилнинг ёзидан буён "ПСЖ"да ўйнамоқда - у парижликлар сафида 74 та ўйинда майдонга тушиб, 32 та гол урган ва 35 та голга ассистентлик қилган.
