Мадриднинг “Атлетико” клуби “Кристал Пэлас” ҳужумчиси Уильфрид Захага мурожаат қилди. Mail Sport хабарига кўра, «матрасчилар» ивуарлик футболчини текинга ўз сафига қўшиб олмоқчи.
Манбанинг таъкидлашича, Захани "Атлетико" учун Чемпионлар лигасида ўйнаш имконияти ўзига тортмоқда. Бироқ футболчи бошқа жамоада бўлиши ҳам мумкин. Уильфриднинг “Кристал Пэлас”да қолиб, янги шартнома имзолаш эҳтимоли ҳам бор.
Заха ўтган мавсумда Премьер-лигада 7 та гол ва 2 та голли узатмани амалга оширди. Уильфрид "Кристал Пэлас"даги ўн учинчи мавсумини ўтказмоқда.
