Madridning “Atletiko” klubi “Kristal Pelas” hujumchisi Uilfrid Zaxaga murojaat qildi. Mail Sport xabariga ko‘ra, «matraschilar» ivuarlik futbolchini tekinga o‘z safiga qo‘shib olmoqchi.
Manbaning ta’kidlashicha, Zaxani "Atletiko" uchun Chempionlar ligasida o‘ynash imkoniyati o‘ziga tortmoqda. Biroq futbolchi boshqa jamoada bo‘lishi ham mumkin. Uilfridning “Kristal Pelas”da qolib, yangi shartnoma imzolash ehtimoli ham bor.
Zaxa o‘tgan mavsumda Premyer-ligada 7 ta gol va 2 ta golli uzatmani amalga oshirdi. Uilfrid "Kristal Pelas"dagi o‘n uchinchi mavsumini o‘tkazmoqda.
