«Real» va Ispaniya terma jamoasi sobiq darvozaboni Iker Kasilyas yulduzli hujumchilar — Lionel Messi va Krishtianu Ronaldu haqida o‘z fikrini bildirdi.
«Tunlari menga uyqu bermagan hujumchimi? Messi», — deya Kasilyasning so‘zlarini keltiradi The Touchline.
Shuningdek, Kasilyas Lionel Messi yoki Krishtianu Ronaldudan qaysi biriga qarshi maydonga tushish qiyinroq bo‘lgani haqidagi savolga ham javob berdi.
«Portugaliya terma jamoasi tarkibida unga qarshi o‘ynagan bo‘lsam-da, klub miqyosida Krishtianuga qarshi hech qachon to‘qnash kelmaganman. Lekin fikrimcha, raqib sifatida Messi qiyinroq edi», — deb bayonot berdi Kasilyas.
Hozirda Lionel Messi va Krishtianu Ronaldu jahon chempionatiga tayyorgarlik ko‘rishmoqda.
