«Реал» ва Испания терма жамоаси собиқ дарвозабони Икер Касильяс юлдузли ҳужумчилар — Лионель Месси ва Криштиану Роналду ҳақида ўз фикрини билдирди.
«Тунлари менга уйқу бермаган ҳужумчими? Месси», — дея Касильяснинг сўзларини келтиради The Touchline.
Шунингдек, Касильяс Лионель Месси ёки Криштиану Роналдудан қайси бирига қарши майдонга тушиш қийинроқ бўлгани ҳақидаги саволга ҳам жавоб берди.
«Португалия терма жамоаси таркибида унга қарши ўйнаган бўлсам-да, клуб миқёсида Криштиануга қарши ҳеч қачон тўқнаш келмаганман. Лекин фикримча, рақиб сифатида Месси қийинроқ эди», — деб баёнот берди Касильяс.
Ҳозирда Лионель Месси ва Криштиану Роналду жаҳон чемпионатига тайёргарлик кўришмоқда.
