Анхель Ди Мария ва Леандро Паредес ёзда "Ювентус"ни тарк этади.
Паредес Турин клубида "ПСЖ"дан ижара асосида ўйнади, Ди Мариянинг шартномаси эса июнь ойида тугайди.
Инсайдер Фабрицио Романонинг сўзларига кўра, иккала футболчи ҳам “Ювентус”ни тарк этади. Паредес "ПСЖ"га қайтади, шундан сўнг клуб уни сотиш бўйича таклифларни кўриб чиқади. Ди Мария клубни эркин агент сифатида тарк этади - унинг фаолиятини давом эттириш учун бир нечта вариант борлиги айтилмоқда.
2022/23 йилги мавсумда Паредес А Сериянинг 25та учрашувида 1та гол урган. Ди Мария чемпионатда "бьянконерилар" сафида 26та ўйинда майдонга тушиб, 4та гол ва 4та голли узатмага муаллифлик қилган.