Anxel Di Mariya va Leandro Paredes yozda "Yuventus"ni tark etadi.
Paredes Turin klubida "PSJ"dan ijara asosida o‘ynadi, Di Mariyaning shartnomasi esa iyun oyida tugaydi.
Insayder Fabrisio Romanoning so‘zlariga ko‘ra, ikkala futbolchi ham “Yuventus”ni tark etadi. Paredes "PSJ"ga qaytadi, shundan so‘ng klub uni sotish bo‘yicha takliflarni ko‘rib chiqadi. Di Mariya klubni erkin agent sifatida tark etadi - uning faoliyatini davom ettirish uchun bir nechta variant borligi aytilmoqda.
2022/23 yilgi mavsumda Paredes A Seriyaning 25ta uchrashuvida 1ta gol urgan. Di Mariya chempionatda "byankonerilar" safida 26ta o‘yinda maydonga tushib, 4ta gol va 4ta golli uzatmaga mualliflik qilgan.