“Фулхэм” “Эвертон” ҳужумчиси Демарай Грэйни сотиб олмоқчи. Sky Sports хабарига кўра, лондонликлар англиялик футболчига жиддий қизиқиш билдиришмоқда.
Қайд этилишича, “Фулхэм” Грэйнинг трансфери борасида “Эвертон”га мурожаат қилган. Лондонликлар бош мураббийи Марко Силва Демарайни ўз жамоаси ҳужум чизиғига олиб келмоқчи.
Эслатиб ўтамиз, Грэй фаолияти давомида 2015/16 йилги мавсумда "Лестер" таркибида Англия Премьер-лигасида ғолиб чиқишга муваффақ бўлганди. Илгари Демарай Германия Бундеслигасида Леверкузеннинг "Байер" жамоасида ўйнаган, шундан сўнг у Англияга қайтиб, "Эвертон" билан шартнома имзолаган.
