Мадриднинг "Реал" клуби "Челси" ҳужумчиси Кай Хаверц хизматидан воз кечди. Журналист Фабрицио Романонинг ёзишича, "Қироллик клуби" талаб қилинадиган 80 миллион еврони тўламоқчи эмас.
Бироқ, манбанинг қўшимча қилишича, вазият тез орада ўзгариши мумкин, "Челси" Хаверцнинг нархини пасайтиришга рози бўлади. Эслатиб ўтамиз, Кайнинг ўзи аввалроқ "Қироллик клуби"га ўтиш истагини билдирган эди.
Аввал хабар қилинганидек, Хаверцни "Реал" Карим Бензема ўрнига номзод сифатида кўрмайди. Раҳбарият германиялик футболчини жуда меҳнаткаш, ҳужумда бир вақтнинг ўзида бир нечта позицияларни ёпишга қодир ёш футболчи деб ҳисоблайди.
