Хулиан Альварес "Манчестер Сити"ни тарк этиш ниятида эмас.
Журналист Сезар Луис Мерлонинг фикрича, топ-клубдан келган фойдали таклифгина Альваресни "Манчестер Сити"дан кетиш ҳақида ўйлашга мажбур қилиши мумкин.
Айни дамда аргентиналик футболчи "Манчестер Сити"ни тарк этиш ҳақида ўйламаяпти. Ўз навбатида клуб ҳам футболчи билан хайрлашишни режалаштирмаяпти.
Олдинроқ Альваресга "Бавария"дан қизиқиш борлиги ҳақида хабарлар тарқалган эди.
Хулиан Альвареснинг "Манчестер Сити" билан амалдаги шартномаси 2028 йилнинг ёзига қадар мўлжалланган. Аргентиналик футболчи ўтган мавсумда АПЛнинг 31 та ўйинида 9 та гол урди.