Сўнгги ҳафталарда матбуот "Челси"ни дарвозабонлар - Майк Меньян ва Андре Онана билан фаол боғлашмоқда.
Бироқ, Лондон жамоасига янги тайинланган бош мураббий Маурисио Почеттино Кепа Аррисабалагани асосий дарвозабон қилишга қарор қилди. Бу ҳақда Sky Sports хабар бермоқда.
Қайд этилишича, дарвозабонни "Челси"да қўлга киритиш бўйича ҳар қандай келишув бекор қилинган.
Эслатиб ўтамиз, "Челси" Англиянинг сўнгги чемпионатини 12-поғонада якунлаганди. Лондонликлар келаси мавсумда еврокубокларда қатнашмайди.
Қўшимча қиламизки, Англия Премьер-лигасининг навбатдаги мавсуми одатдагидек август ойида бошланади.
