"Бавария" "Наполи" ҳимоячиси Ким Мин Чжега қизиқиш билдирмоқда.
Журналист Санти Уна хабарига кўра, немис клуби вакиллари аллақачон 26 ёшли кореялик футболчининг агентлари билан дастлабки музокараларни олиб боришган. Қайд этилишича, суҳбат ҳар икки томон учун ҳам ижобий бўлган.
Аввалроқ, футболчини яна бир қатор Европа гигантлари кузатиб бораётгани хабар қилинганди. Ким Мин Чже хизматларига "Челси", "Ньюкасл", "Манчестер Юнайтед" ва "ПСЖ" клублари қизиқиш билдирмоқда.
Ҳимоячи сўнгги мавсумда барча мусобақаларда 45 та ўйинда майдонга тушиб, иккита гол урди ва иккита голли узатмани амалга оширди. Футболчининг трансфер нархи 50 миллион еврога баҳоланмоқда.
