"Интер" ёзда ҳимоячи Данило Д'Амброзио билан хайрлашади. 34 ёшли футболчи “нерадзурри”ни эркин агент сифатида тарк этади. Бу ҳақда футболчининг ўзи ижтимоий тармоқлар орқали маълум қилди.
“Интер” мен учун ҳақиқий оилага айланди. Бу ажойиб саёҳат эди. Мени қўллаб-қувватлаган барчага раҳмат. Ишончим комилки, келажакда ўғлимни стадионга олиб келаман ва биз “Интер”ни қўллаб-қувватлаймиз. Энг эзгу тилаклар билан, сизнинг Данило", - дейилади ҳимоячи постида.
Эслатиб ўтамиз, Д'Амброзио миланликлар сафида 2014 йилдан буён ўйнаб келмоқда эди. "Интер" билан биргаликда у А Серия чемпионига айланди, шунингдек, икки марта Италия кубоги ва Суперкубогини қўлга киритди.