"Inter" yozda himoyachi Danilo D'Ambrozio bilan xayrlashadi. 34 yoshli futbolchi “neradzurri”ni erkin agent sifatida tark etadi. Bu haqda futbolchining o‘zi ijtimoiy tarmoqlar orqali ma’lum qildi.
“Inter” men uchun haqiqiy oilaga aylandi. Bu ajoyib sayohat edi. Meni qo‘llab-quvvatlagan barchaga rahmat. Ishonchim komilki, kelajakda o‘g‘limni stadionga olib kelaman va biz “Inter”ni qo‘llab-quvvatlaymiz. Eng ezgu tilaklar bilan, sizning Danilo", - deyiladi himoyachi postida.
Eslatib o‘tamiz, D'Ambrozio milanliklar safida 2014 yildan buyon o‘ynab kelmoqda edi. "Inter" bilan birgalikda u A Seriya chempioniga aylandi, shuningdek, ikki marta Italiya kubogi va Superkubogini qo‘lga kiritdi.
