"Манчестер Юнайтед" Андре Онана борасида "Интер" билан муросага кела олмаяпти.

Камерунлик дарвозабонни "қизил иблислар" Давид де Хеа вориси сифатида кўрмоқда. Айрим маълумотларга кўра, инглиз клуби Онана учун тахминан 50 миллион евро тўлашга тайёр, бироқ трансфер шартлари ҳалигача келишиб олинмаган.

Mirror Sport нашри хабарига кўра, "Интер" молиявий фейр-плей чекловлари туфайли "Манчестер Юнайтед" кўтара олмайдиган суммани сўрамоқда. Эҳтимол, Эрик тен Хаг дарвозабон лавозимига янги номзод излашига тўғри келади.

Эслатиб ўтамиз, жума куни "Манчестер Юнайтед"нинг Андре Онанага қизиқишини "Интер" бош директори Жузеппе Маротта тасдиқлаган эди.