Мадриднинг “Атлетико” клуби ҳужумчиси Альваро Мората А Серияга қайтиши мумкин.
Испаниялик футболчи "Милан"нинг марказий ҳужумчи позициясини кучайтириш учун асосий мақсадларидан бири сифатида кўрсатилган ва яқинда бўлиб ўтган музокаралар ўз самарасини берган кўринади. Журналист Девид Мединанинг сўзларига кўра, 30 ёшли футболчи “россонерилар” сафига ўтишга ҳар қачонгидан ҳам яқинроқ.
Альваро Моратанинг "Атлетико" билан шартномаси 2023/24 йилги мавсум охирида якунига етади. Ҳужумчи Италия футболини "Ювентус"даги ўйинларидан яхши билади: "бьянконерилар" таркибида у 185 ўйин ўтказиб, 59 гол ва 39 голга ассистентлик қилган.
Transfermarkt Моратанинг нархини 20 миллион еврога баҳоламоқда.
