Madridning “Atletiko” klubi hujumchisi Alvaro Morata A Seriyaga qaytishi mumkin.

Ispaniyalik futbolchi "Milan"ning markaziy hujumchi pozisiyasini kuchaytirish uchun asosiy maqsadlaridan biri sifatida ko‘rsatilgan va yaqinda bo‘lib o‘tgan muzokaralar o‘z samarasini bergan ko‘rinadi. Jurnalist Devid Medinaning so‘zlariga ko‘ra, 30 yoshli futbolchi “rossonerilar” safiga o‘tishga har qachongidan ham yaqinroq.

Alvaro Morataning "Atletiko" bilan shartnomasi 2023/24 yilgi mavsum oxirida yakuniga yetadi. Hujumchi Italiya futbolini "Yuventus"dagi o‘yinlaridan yaxshi biladi: "byankonerilar" tarkibida u 185 o‘yin o‘tkazib, 59 gol va 39 golga assistentlik qilgan.

Transfermarkt Morataning narxini 20 million yevroga baholamoqda.