Ҳужумчи Алексис Санчес келаси мавсумни қайси клубда ўтказишини ҳозирча билмайди.
Чилилик футболчининг “Марсель” билан шартномаси 1 июль куни якунига етди. Куни кеча хабар қилинганидек, клуб ва футболчи кейинги ҳамкорликни муҳокама қилишда давом этмоқда, аммо музокаралар осон кечмаяпти. Бундан ташқари, миш-мишларга кўра, 34 ёшли футболчига Саудия Арабистонидан таклифлар тушган.
"Биз мураббийимиз билан биргаликда таркибни режалаштириш масаласини ишлаб чиқишда давом этамиз", - дейди "Марсель" спорт директори Хавьер Рибалта вазият ҳақида. "Ўйлайманки, тез орада ҳамма нарса аниқ бўлади. Тўғри, Санчесга бошқа клублардан таклифлар бор, ҳозир унинг "Марсель"да қолиш-қолмаслигини айта олмайман", - дея Рибалта сўзларини келтирган журналист Альфредо Педулла.
