Hujumchi Aleksis Sanches kelasi mavsumni qaysi klubda o‘tkazishini hozircha bilmaydi.
Chililik futbolchining “Marsel” bilan shartnomasi 1 iyul kuni yakuniga yetdi. Kuni kecha xabar qilinganidek, klub va futbolchi keyingi hamkorlikni muhokama qilishda davom etmoqda, ammo muzokaralar oson kechmayapti. Bundan tashqari, mish-mishlarga ko‘ra, 34 yoshli futbolchiga Saudiya Arabistonidan takliflar tushgan.
"Biz murabbiyimiz bilan birgalikda tarkibni rejalashtirish masalasini ishlab chiqishda davom etamiz", - deydi "Marsel" sport direktori Xavyer Ribalta vaziyat haqida. "O‘ylaymanki, tez orada hamma narsa aniq bo‘ladi. To‘g‘ri, Sanchesga boshqa klublardan takliflar bor, hozir uning "Marsel"da qolish-qolmasligini ayta olmayman", - deya Ribalta so‘zlarini keltirgan jurnalist Alfredo Pedulla.
