Madridning «Real» klubi yarim himoyachisi Bernardu Silva Ispaniyaga yaqindagina ko‘chib o‘tgan bo‘lsa-da, mahalliy tilni mukammal egallagan.
Portugaliyalik futbolchi shanba kuni Vengriyaning «Ferensvarosh» klubiga qarshi o‘tkazilgan o‘rtoqlik uchrashuvida (2:1) «qaymoqranglilar» safida debyut qildi. Intervyu davomida jurnalistlar «qirollik klubi»ning yangi a’zosini «ajoyib ispan tili» uchun maqtab o‘tishdi.
«Rahmat. Men «Manchester Siti» xodimlari bilan deyarli har kuni ispan tilida gaplashishimga to‘g‘ri kelardi, shu sababli vaqt o‘tishi bilan bu tilda bemalol so‘zlashadigan bo‘ldim», — deydi Silvaning so‘zlarini keltirgan Madrid Xtra.
Bernardu «Manchester Siti»da to‘qqiz yil o‘tkazdi. Butun ushbu davr mobaynida yarim himoyachi, shuningdek, ushbu yozda o‘z lavozimini tark etgan ispaniyalik mutaxassis Xosep Gvardiola qo‘l ostida harakat qilgan.
