Xulian Alvares «Barselona»ga o‘tishi haqida oshkora bayonot bermaydi, deb xabar bermoqda As.

«Atletiko» hujumchisi bosh murabbiy Diyego Simeone, so‘ngra klub rahbariyati bilan yuzma-yuz uchrashib, jamoani tark etish istagini ma’lum qilmoqchi. Shu bilan birga, argentinalik futbolchi uni faqat «Barselona» qiziqtirayotganini aniq tushuntirib qo‘ymoqchi.

Xulian kataloniyaliklarning taklifi har ikkala tomon uchun ham manfaatli deb hisoblaydi, biroq Madrid klubi bunga qo‘shilmayapti. Manbaning xabariga ko‘ra, «Barsa»ning amaldagi taklifi 100 million yevrodan 120 million yevrogacha oshirilgan.

Eslatib o‘tamiz, iyun oyida Alvares «Atletiko»ni tark etmoqchi ekanini oshkora ma’lum qilgan edi.