O‘zbekiston kubogi nimchorak final bosqichida Farg‘onaning “Neftchi” klubi o‘z maydonida Toshkentning “Paxtakor” jamoasini mag‘lub etib, musobaqaning chorakfinal bosqichiga yo‘l oldi.
Uchrashuvdagi yagona gol 81-daqiqada urildi. Zaxiradan maydonga tushgan Stipe Perisa jarima zarbasidan uzatilgan to‘pni boshi bilan darvozaga yo‘llab, “Neftchi”ga g‘alaba keltirdi.
Birinchi bo‘limda tashabbus "Neftchi" tomonida bo‘ldi, ammo jamoaning zarbalariga aniqlik yetishmadi. Xurshid G‘iyosov tomonidan birinchi taymda urilgan gol ofsayd tufayli inobatga olinmadi.
“Paxtakor” esa bir qator xavfli vaziyatlar yaratdi, biroq farg‘onaliklar darvozaboni Botirali Ergashev ishonchli harakat qildi. “Neftchi” esa uchrashuv yakuniga qadar hisobni saqlab qoldi.
Shu tariqa, “Neftchi” O‘zbekiston Kubogining amaldagi sohibi “Paxtakor”ni musobaqadan chiqarib yubordi.
O‘zbekiston Kubogi, 1/8 final
“Neftchi” — “Paxtakor” 1:0
Gollar: 1:0 — Perisa (81).
