MLS muntazam chempionati doirasida «Inter Mayami» va «Monreal» o‘rtasidagi uchrashuv bo‘lib o‘tdi. Bahs Florida klubining 7:1 hisobidagi yirik g‘alabasi bilan yakunlandi.
G‘oliblar safida Lionel Messi poker qayd etdi. Argentinalik futbolchi o‘z gollaridan ikkitasini to‘g‘ridan-to‘g‘ri jarima zarbasidan kiritdi.
Shu tariqa, Messining faoliyati davomida jarima zarbalaridan urgan gollari soni 74 taga yetdi.
Bu ko‘rsatkich bo‘yicha u Jair da Roza Pinto bilan tenglashib, 2-o‘ringa ko‘tarildi.
Rekord esa 78 ta jarima zarbasidan gol urgan Marselinyoga tegishli.
