Жанубий Корея терма жамоасининг собиқ бош мураббийи Пауло Бенту БАА терма жамоасини бошқаради. Бу ҳақда журналист Фабрицио Романо ўзининг Twitter'ида маълум қилди.
Манбага кўра, томонлар келишувнинг барча шартлари бўйича тўлиқ келишувга эришган. Португалиялик мутахассис 3 йиллик шартнома имзолади ва 2026 йилгача терма жамоани бошқаради. Ҳужжатлар эртага имзоланади.
Бенту мураббийлик фаолиятини Лиссабоннинг “Спортинг” клубида бошлаган, у 2005 йилдан 2009 йилгача жамоани бошқарган. Мутахассис 2010—2014 йилларда Португалия терма жамоасида ишлаган, у билан 2012 йилги Европа чемпионатида бронза медалларини қўлга киритган.2016—2017 йилларда Бенту “Крузейро” ва “Олимпиакос” клубларини бошқарган. Мураббийнинг охирги иш жойи Жанубий Корея терма жамоаси бўлди.
