"Галатасарой" "ПСЖ" ҳужумчиси Мауро Икарди билан шартнома имзолади. Бу ҳақда журналист Фабрицио Романо хабар бермоқда.
Манбага кўра, трансфер суммаси тахминан 10 миллион еврони ташкил қилади.
Эслатиб ўтамиз, ўтган мавсумни 30 ёшли аргентиналик футболчи ижара асосида "Галатасарой"да ўтказди.
Икарди истанбулликлар сафида 26 та учрашувда иштирок этиб, 23 та гол урди ва 8 та голли узатмани амалга оширди.
Transfermarkt айни дамда Аргентина терма жамоасининг собиқ футболчисини 19 миллион еврога баҳоламоқда.
Икарди фаолиятида “Галатасарой” ва “ПСЖ”дан ташқари “Интер” ва “Сампдория” клубларини ҳам ҳимоя қилган.
