"Galatasaroy" "PSJ" hujumchisi Mauro Ikardi bilan shartnoma imzoladi. Bu haqda jurnalist Fabrisio Romano xabar bermoqda.

Manbaga ko‘ra, transfer summasi taxminan 10 million yevroni tashkil qiladi.

Eslatib o‘tamiz, o‘tgan mavsumni 30 yoshli argentinalik futbolchi ijara asosida "Galatasaroy"da o‘tkazdi.

Ikardi istanbulliklar safida 26 ta uchrashuvda ishtirok etib, 23 ta gol urdi va 8 ta golli uzatmani amalga oshirdi.

Transfermarkt ayni damda Argentina terma jamoasining sobiq futbolchisini 19 million yevroga baholamoqda.

Ikardi faoliyatida “Galatasaroy” va “PSJ”dan tashqari “Inter” va “Sampdoriya” klublarini ham himoya qilgan.